सरकारले दुई सरकारी संस्थानमा कार्यकारी नेतृत्व नियुक्त गरेको छ । सोमबार बसेको मन्त्रिपरिषद् बैठकले नेपाल पारवहन तथा गोदाम व्यवस्थापन कम्पनीको रिक्त महाप्रबन्धकमा प्रकाशप्रसाद पोखरेललाई र खाद्य व्यवस्था तथा व्यापार कम्पनीको महाप्रबन्धकमा रमेश आचार्यलाई नियुक्त गर्ने निर्णय गरेको हो ।
पारवहन तथा गोदाम कम्पनीको महाप्रबन्धकमा नियुक्त भएका पोखरेल इलामका हुन् । उनी नेकपा एमाले निकट मानिन्छन् । उनी यसअघि नेपाल बचत तथा ऋण सहकारी केन्द्रीय संघ (नेफ्स्कुन)को प्रमुख कार्यकारी अधिकृत थिए ।
खाद्य व्यवस्था तथा व्यापार कम्पनीको महाप्रबन्धकमा नियुक्त भएका आचार्य धादिङका हुन् । उनी नेपाली काँग्रेस निकट मानिन्छन् । आचार्यसँग निजी क्षेत्रको छाता संगठन नेपाल उद्योग वाणिज्य महासंघमा काम गरेको अनुभव छ ।
