सरकारले ७ वटा विकास समितिका अध्यक्ष, सदस्यहरु र कार्यकारी निर्देशकलाई बर्खास्त गरेको छ । सरकारले जेठ १८ गते नेपाल राजपत्रमा सूचना प्रकाशन गर्दै ७ वटै विकास समितिका अध्यक्ष, सदस्यहरु र कार्यकारी निर्देशकलाई बर्खास्त गरेको हो।
सरकारले तारागाउँ विकास समिति, देवघाट क्षेत्र विकास समिति , बौद्धनाथ क्षेत्र विकास समिति, पाटन संग्रहालय विकास समिति, बौद्ध दर्शन प्रवर्द्धन तथा गुम्बा विकास समिति, हनुमानढोका दरवार संग्रहालय विकास समिति र नेपाल पञ्चाङ्ग निर्णायक विकास समितिका अध्यक्ष, सदस्यहरु र कार्यकारी निर्देशकलाई बर्खास्त गरेको हो।
सरकारले ति समितिको गठन आदेशमा संशोधन गर्दै अध्यक्ष, सदस्यहरु र कार्यकारी निर्देशकलाई बर्खास्त गरेको हो। यस अघि जुनसुकै सेवा, शर्त, र पदावधि तोकिएको भएपनि गठन आदेश संशोधन भएको मितिदेखि नै उनीहरु पदमुक्त हुने र सम्बन्धित मन्त्रालयका सचिवले उनीहरुलाई पदमुक्त भएको जानकारी दिने सूचनामा उल्लेख छ ।
