काठमाडौँ उपत्यकाभित्रका सम्पूर्ण स्थानीय तह र मातहतका निकायमा आज सार्वजनिक बिदा दिइएको छ ।
बिहीबार राति मृत्यु भएका कीर्तिपुर नगरपालिकाका मेयर राजकुमार नकर्मीको शोकमा काठमाडौँ उपत्यका मेयर्स फोरमले सार्वजनिक बिदा दिने निर्णय गरेको हो । फोरमले गरेको निर्णय अनुसार काठमाडौँ, ललितपुर र भक्तपुरका स्थानीय तहमा सार्वजनिक बिदा हुनेछ ।
२०२१ असार २० गते जन्मिएका नकर्मी २०७९ को स्थानीय तह निर्वाचनमा कीर्तिपुर नगरपालिकाको प्रमुखमा निर्वाचित भएका थिए ।
