नेपाली कांग्रेस र नेकपा एमालेले मन्त्रालयको भागबण्डा टुङ्गो लगाएका छन् । दुई दलका शीर्ष नेताहरूबीच भएको समझदारी अनुसार कांग्रेसले ९ र एमालेले प्रधानमन्त्रीसहित ८ वटा मन्त्रालय लिने सहमति भएको हो ।
सहमति अनुसार नेकपा एमालेले प्रधानमन्त्रीसहित अर्थ, भौतिक पूर्वाधार, सञ्चार, शिक्षा, उद्योग, संघीय मामिला र भूमी व्यवस्था तथा सहकारी मन्त्रालयको नेतृत्व गर्नेछ ।
यस्तै कांग्रेसले गृह, रक्षा, ऊर्जा, स्वास्थ्य, सहरी विकास, पर्यटन, कानुन, कृषि र वन मन्त्रालय लिने समझदारी बनेको स्रोतले बताएको छ ।
अब कुन मन्त्रालयमा कसलाई पठाउने भन्नेबारे दूबै दलले आन्तरिक छलफलबाट तय गर्नेछन् ।
संविधानकोे धारा ७६ (२) अनुसार प्रधानमन्त्री दाबी गरेका एमाले अध्यक्ष केपी शर्मा ओली आइतबार साँझ प्रधानमन्त्रीमा नियुक्त हुँदैछन् । सपथ ग्हण भने भोली सोमबार बिहान ११ बजेका लागि तय भएको छ ।
