प्रधानमन्त्री केपी शर्मा ओली नेतृत्वको सरकारले किर्तिपुर क्रिकेट मैदानलाई सुविधासम्पन्न रंगशाला बनाउने निर्णय गरेको छ। नयाँ सरकार गठन भएपछिको मन्त्रिपरिषद्को पहिलो बैठकले किर्तिपुर क्रिकेट मैदानलाई सुविधासम्पन्न रंगशाला बनाउने निर्णय गरेको प्रधानमन्त्री केपी शर्मा ओलीले जानकारी दिए ।
उनका अनुसार आजको बैठकले किर्तिपुर क्रिकेट मैदानलाई सुविधासम्पन्न रंगशाला बनाउने, जसमा दर्शक बस्नको लागि प्याराफिट, रात्रिकालीन खेलको लागि फ्लडलाइट निर्माण गर्ने लगायत आवश्यक संरचना बनाउने निर्णय भएको छ। यस कामका लागि तीन सय दिनको समयसीमा तोकिएको उनको भनाई छ।
