आर्थिक वर्ष २०८०/८१ मा सर्वोत्तम सिमेन्टको खुद नाफा घटेको छ। कम्पनीले सार्वजनिक गरेको अपरिस्कृत वित्तीय विवरण अनुसार अघिल्लो आर्थिक वर्षको तुलनामा कम्पनीको खुद नाफा १८.५१ प्रतिशतले घटेको छ।
यस अवधिमा कम्पनीले १७ करोड ४२ लाख खुद नाफा कमाएको छ। अघिल्लो आर्थिक वर्षको कम्पनीको खुद नाफा २१ करोड ३८ लाख थियो । यस अवधिमा कम्पनीको आम्दानी भने १८.४७ प्रतिशतले बढेर ६ अर्ब ३७ करोड पुगेको छ।
कम्पनीको प्रति शेयर आम्दानी ३ रुपैयाँ ७५ पैसा तथा प्रति शेयर नेटवर्थ १९८ रुपैयाँ ८३ पैसा रहेको छ। कम्पनीको चुक्ता पुँजी ४ अर्ब ६५ करोड रहेको छ।
सोनापुर मिनरल्स एण्ड आयल लिमिटेडले पनि आर्थिक वर्ष २०८०/८१ को वित्तीय विवरण प्रकाशन गरेको छ । विवरण अनुसार कम्पनी घाटामा गएको छ। यस अवधिमा कम्पनी ४६ करोड ९२ लाख रुपैयाँ नोक्सानीमा गएको छ । अघिल्लो आर्थिक वर्षको यसै अवधिमा कम्पनीको खुद नाफा २ करोड ६२ लाख थियो ।
कम्पनीको आम्दानी पनि ५.२२ प्रतिशतले घटेर १ अर्ब ६३ करोडमा सिमित भएको छ । कम्पनीको प्रतिशेयर आम्दानी १५ रुपैयाँ २६ पैसा ऋणात्मक रहेको छ भने प्रतिशेयर नेटवर्थ १६३ रुपैयाँ २४ पैसा रहेको छ। कम्पनीको चुक्ता पुँजी ३ अर्ब ७ करोड रुपैयाँ रहेको छ भने रिजर्भमा २९ करोड २१ लाख रुपैयाँ रहेको छ। अघिल्लो आर्थिक वर्षको तुलनामा कम्पनीओ रिजर्भ पनि ६३.५७ प्रतिशत घटेको छ ।
