सर्वोत्तम सिमेन्टको डेढ लाख कित्ता शेयरको लकइन अवधि सकिँदै

सर्वोत्तम सिमेन्ट लिमिटेडको डेढ लाख कित्ता बढी शेयरको लकइन अवधि २०८१ भदौ २५ गते सकिने भएको छ। कम्पनीले आईपीओ निष्काशन गर्दा सामुहिक लगानी कोषहरुलाई छुट्याएको १ लाख ५४ हजार २ सय २७ कित्ता शेयरको लकइन अवधि २०८१ भदौ २५ गते सकिने भएको हो ।

नेपाल धितोपत्र बोर्डबाट २०८०/०७/२५ मा निर्देशन जारी भए बमोजिम सामुहिक लगानी कोषहरुलाई बाँडफाँड गरिएको शेयर बाँडफाँड मितिले ६ महिना सम्ममा लकईन राख्नुपर्ने व्यवस्था छ। सोहि व्यवस्था बमोजिम लकइनमा राखिएको शेयरको लकइन अवधि भदौ २५ गते सकिने भएको हो । सो अवधिपछि सामुहिक लगानी कोषहरुले ति शेयर बिक्री गर्न सक्ने छन् ।

कम्पनीले बुक विल्डिङ विधिबाट आईपीओ निष्काशन गरेको थियो ।