आज शेयर बजार परिसूचक नेप्से ७० भन्दा माथि अंकले बढेको छ । नयाँ सरकार बनेको भोलिपल्ट शेयर बजार परिसूचक नेप्से ७०.१८ अंकले बढेर २३१०.५९ बिन्दुमा पुगेको छ ।
आज ९ अर्ब १३ करोड ८६ लाख २९ हजार बराबरको २ करोड ५८ लाख ३६ हजार २८५ कित्ता शेयर कारोबार भएको छ । आज काराबारमा आएका ३१५ कम्पनीमध्ये २३४ कम्पनीको शेयर मूल्य बढेको छ भने ८ कम्पनीको शेयर मूल्य घटेको छ ।
आज सिन्धु विकास बैंक, बरुण हाइड्रोपावर, ग्रिन डेभलपमेन्ट बैंक, आँखु खोला जलविद्युत, मन्दाकिनी हाइड्रोपावर लगायतका कम्पनीका लगानीकर्ताले बढी कमाएका छन् ।
म्युचुल फण्डबाहेक सबै समूहगत सूचक बढेका छन् । सबैभन्दा बढी कमाउनेमा हाइड्रोका लगानीकर्ता छन् ।
ङादी ग्रुप पावर, एनआरएनए इन्फास्टक्चर एण्ड डेभलपमेन्ट कम्पनी, अपी पावर, जानकी फाइनान्स, अरुण भ्याली हाइड्रोपावर लगायतका कम्पनीको बढी कारोबार भएको छ ।
