चालु आर्थिक वर्ष २०८०/८१ को ११ महिनामा शेयर धितो कर्जा बढेर ८७ अर्ब ११ करोड पुगेको छ । नेपाल राष्ट्र बैंकका अनुसार २०८१ जेठसम्मको अवधिमा मार्जिन प्रकृतिको कर्जा बढेर १४.२ प्रतिशतले बढेर ८७ अर्ब ११ करोड २७ लाख पुगेको हो।
२०८० असारमा यस्तो कर्जा ७६ अर्ब ३० करोड ८३ लाख थियो। ११ महिनाको अवधिमा शेयर धितो कर्जा १० अर्ब ८० करोडले बढेको हो ।
राष्ट्र बैंकको तथ्यांक अनुसार १ करोड बढीको कर्जा ५३ अर्ब ८४ करोडको रहेको छ भने ५० लाख देखि १ करोडसम्मको कर्जा ११ अर्ब ८६ करोड रहेको छ । त्यस्तै २५ लाखदेखि ५० लाखसम्मको कर्जा १४ अर्ब १३ करोड रहेको छ भने २५ लाख मुनिको कर्जा ७ अर्ब २६ करोड मात्र रहेको छ ।
यस अवधिमा १ करोड माथिको कर्जा २०.४ प्रतिशतले बढेको देखिन्छ भने ५० लाख देखि १ करोडसम्मको कर्जा ०.७ प्रतिशतले बढेको छ । त्यस्तै २५ देखि ५० लाखसम्मको कर्जा १०.६ प्रतिशत र २५ लाख भन्दा कमको कर्जा ३.३ प्रतिशतले बढेको छ ।
