स्वस्तिक लघुवित्तले असार २७ गतेदेखि पहिलो चरणको आईपीओ निष्काशन गर्ने भएको छ। कम्पनीले पहिलो चरणमा श्रम स्वीकृति लिइ वैदेशिक रोजगारीमा रहेका नेपाली नागरिकलाई शेयर निष्काशन गर्न लागेको हो ।
कम्पनीले उनीहरुलाई २३ हजार १ सय कित्ता शेयर निष्काशन गर्ने छ। यस निष्काशनमा साउन ९ गतेसम्म आवेदन दिन सकिने छ। आवेदन दिंदा नुनतम १० कित्ता र अधिकतम ५ हजार कित्ताको लागि दिन सकिने छ। शेयर निष्काशनको लागि नबिल इन्भेष्टमेन्ट बिक्री प्रबन्धक रहेको छ।
नेपाल धितोपत्र बोर्डले असार ५ गते कम्पनीलाई आईपीओ निष्काशनको अनुमति दिएको थियो । कम्पनीले जारी पुँजीको ४० प्रतिशतले हुन आउने २ करोड ३१ लाख रुपैयाँ बराबरको २ लाख ३१ हजार कित्ता शेयर निष्काशन गर्ने छ। कम्पनीले नेपाल धितोपत्र बोर्डमा २०८० माघ २४ गते आईपीओ निष्काशनको लागि अनुमति माग गरेको थियो। त्यसको १७ महिनापछि कम्पनीले आईपीओ निष्काशन अनुमति पाएको हो ।
मधेश प्रदेश कार्य क्षेत्र रहेको यस् लघुवित्तको केन्द्रीय कार्यालय सिराहामा रहेको छ।
यस अघि : बिजनेशपाना समाचार प्रभाव: स्वस्तिक लघुवित्तले पायो आईपीओ निष्काशन अनुमति
