ट्रेड टावर ग्रुप अन्तर्गतको इन्भेष्टमेन्ट कम्पनी भिस्तारा नेपाल लिमिटेडले दार्चुला पावर लिमिटेडमा लगानीको सम्झौता गरेको छ। आज बिहिबार भएको सम्झौतामा दार्चुला पावरको तर्फबाट संचालक संजिव न्यौपाने र भिस्तारा नेपालको तर्फबाट प्रबन्ध संचालक सौगात दंगालले हस्ताक्षर गरेका छन् ।
दार्चुला पावरले दार्चुलामा २८.३०४ मेगावाट क्षमताको मध्य चमेलिया जलविद्युत अयोजना निर्माण गरिरहेको छ। आयोजनाको कुल लागत ५६६ करोड रहेको छ ।
भिस्तारा नेपाल लिमिटेडले भने ऊर्जा, पर्यटन तथा आतिथ्य, भौतिक पूर्वाधार, उत्पादन तथा प्रशोधन, कृषि / कृषि उद्योगहरू, शिक्षा तथा स्वास्थ्य सेवा, लगायतका क्षेत्रमा लगानी गर्दै आएको छ । कम्पनीले यस अघि मेरो किसानमा लगानीको सम्झौता गरेको थियो । भिस्तारा नेपालले सन् २०८५ सम्म आईपीओ निष्काशन गर्ने र चुक्ता पुँजी १ अर्ब पुर्याउने योजना बनाएको छ । कम्पनीमा ट्रेड टावर ग्रुपका संस्थापकहरु कै मुख्य लगानी रहेको छ ।
