बाराही हाइड्रोको आयोजनाबाट विद्युत उत्पादन पुन: सुचारु भएको छ । २०८१ साउन १ गते बिहान २ बजेदेखि आयोजनाबाट आंशिक रुपमा विद्युत उत्पादन थालिएको कम्पनीले जनाएको छ।
कम्पनीले बाग्लुङ्ग जिल्ला, जैमिनी नगरपालिकाको कुश्मीसेरा स्थित ठेउले खोलामा संचालन गरिरहेको १.५ मेगावाट क्षमताको ठेउले खोला जलविद्युत आयोजना मर्मतपछि आंशिक रुपमा विद्युत उत्पादन थालेको हो।
अविरल बर्षापछि आएको बाढीको कारण आयोजनामा क्षति पुगेपछि २०८१ असार २२ गतेबाट आयोजनाको विद्युत उत्पादन पूर्णरुपमा बन्द भएको थियो। बाढीले खोलाको दायाँ तर्फको करिब २०० मिटर माथिबाट आएको पहिरोले इन्टेक र Gravel Trap को बिचको संरचनामा क्षति पूऱ्याएको थियो । साथै विद्युत गृहमा पानी पठाउने बाटो पनि अवरुद्ध भएको थियो ।
मर्मतपछि आंशिक रुपमा विद्युत उत्पादन सुरु गरिएको कम्पनीले जनाएको छ।
