सपोर्ट लघुवित्तले लाभांश घोषणा गरेको छ। लघुवित्तको कार्तिक ४ गते बसेको संचालक समितिको बैठकले आर्थिक वर्ष २०८०/८१ को मुनाफाबाट वितरण गर्ने लाभांश घोषणा गरेको हो ।
जस अनुसार कम्पनीले हाल कायम चुक्ता पुँजीको १३.७७५ प्रतिशत बोनस शेयर र कर प्रयोजनको लागि ०.७२५ प्रतिशत नगद लाभांश गरि कुल १४.५० प्रतिशत लाभांश घोषणा गरेको हो । हाल लघुवित्तको चुक्ता पुँजी १० करोड ७६ लाख रहेको छ।
नेपाल राष्ट्र बैंकले स्वीकृति दिएपछि र लघुवित्तको आगामी साधारणसभाले पारित गरेपछि उक्त लाभांश लगानीकर्तामा वितरण हुने छ।
