सहकारी संस्था बचत रकम दुरुपयोग सम्बन्धमा छानबिन गर्न गठित संसदीय छानबिन विशेष समितिले सुमेरु बचत तथा ऋण सहकारी संस्थाका सञ्चालक राजबहादुर सिंहसँग सोधपुछ गरेको छ ।
सोमबार समितिले सहकारीको बचत रकम दुरुपयोगमा संलग्न सुमेरु बचत तथा ऋण सहकारी संस्था लिमिटेड पुल्चोकका सेयर सदस्य राजबहादुर सिंहसँग सोधपुछ गरेको समिति सभापति सूर्य थापाले जानकारी दिएका छन् ।
संसदीय छानबिन समितिसँग सुमेरु सहकारीका सञ्चालक सिंहले निजी सम्पत्तिबाट बचतकर्ताको रकम फिर्ताको व्यवस्था गर्ने गरी सहकारी संस्थाको पुनः सञ्चालन गर्ने योजना बनाएको बताएका छन् ।
