अमेरिकी धनाढ्य एलन मस्क विश्वकै पहिलो ट्रिलियनेयर (डलर खर्बपति) बनेका छन् । स्पेसएक्सको ऐतिहासिक आईपीओ (Initial Public Offering) पछि टेस्ला र स्पेसएक्सका संस्थापक रहेका मस्क विश्वका पहिलो ट्रिलियनेयर बनेका हुन्।
उनको सम्पत्ति १ ट्रिलियन डलर अर्थात् १० खर्ब अमेरिकी डलरभन्दा धेरै पुगेको छ । फोर्ब्सका अनुसार उनको कुल सम्पत्ति १.१ देखि १.२ ट्रिलियन डलर पुगेको छ।
स्पेसएक्स कम्पनीको आईपीओ शेयर बजारमा सार्वजनिक लिस्टिङ भएपछि उनी ट्रिलियनेयर बनेका हुन्। स्पेसएक्समा मस्कको ४२ प्रतिशत हिस्सा छ, र कम्पनीको मूल्यांकन अर्बौं डलरमा पुगेपछि मस्कको सम्पत्ति पनि ह्वात्तै बढेको हो। टेस्लासँगै स्पेसएक्स, xAI जस्ता कम्पनीहरूबाट उनको सम्पत्ति बढेको हो।
स्पेसएक्सको आईपीओले कम्पनीलाई अर्बौं डलरको मूल्य दिएको छ र मस्कको व्यक्तिगत सम्पत्तिलाई ट्रिलियन डलरको सीमामा पुर्याएको हो। सो संगै फोर्ब्सले मस्कलाई पहिलो ट्रिलियनेयरको रूपमा आधिकारिक रूपमा उल्लेख गरेको छ।
मस्कको सम्पत्ति टेस्ला (इलेक्ट्रिक कार), स्पेसएक्स (रकेट र स्टारलिंक), xAI आदि कम्पनीहरूबाट आएको हो। उनी अहिले विश्वका अर्का चार धनी व्यक्तिहरूको कुल सम्पत्तिभन्दा बढी धनी छन्। यद्यपि शेयर बजारको उतारचढावले उनको सम्पत्ति तलमाथि हुन सक्छ।
अहिले दोस्रो धनी व्यक्ति गुगलका सह-संस्थापक लैरी पेज हुन् । उनको सम्पत्ति लगभग २७०–३०९ बिलियन डलर रहेको छ । त्यसपछि सर्गेई ब्रिन, जेफ बेजोस, लैरी एलिसन आदि छन्। भविष्यमा मार्क जुकरबर्ग, जेन्सेन हुआङ (एनभिडिया) वा अन्य टेक दिग्गजहरू ट्रिलियनेयर बन्न सक्ने अनुमान छ, तर मस्कको नेतृत्वमा अझै ठूलो अन्तर छ।
एलन मस्कको यो उपलब्धिले अन्तरिक्ष यातायात, नवीकरणीय ऊर्जा र एआईको क्षेत्रमा उनको प्रभावलाई थप उजागर गरेको छ। विश्वले अब “ट्रिलियनेयर युग” को सुरुवात देखिरहेको छ।
