नेपाल इन्भेष्टमेन्ट मेगा बैंकका सिइओ ज्योतिप्रकाश पाण्डे नियमित काममा फर्किएका छन् । बैंकका अनुसार पाण्डेले सीइओको रुपमा हिजो जेठ ५ देखि नियमित काम सुचारु गरेका हुन् ।
नेपाल प्रहरीको केन्द्रीय अनुसन्धान ब्युरो सीआईबीले वैशाख २९ गते उनलाई पक्राउ गरेको थियो। उनलाई पक्राउ गरिएपछि उनकी पत्नी निरु दाहालले सर्वोच्चमा बन्दीप्रत्यक्षीकरण निवेदन हालेकी थिइन् । सर्वोच्चले जेठ १ गते उनलाई रिहा गर्न आदेश दिएको थियो। सर्वोच्चको आदेशपछि उनी रिहा भएका थिए। रिहा भएसंगै उनी पुन: सीइओको जिम्मेवारीमा फर्किएका हुन् ।
स्मार्ट सेल प्रकरणमा उनी पक्राउ परेका थिए। स्मार्ट सेलको लाईसेन्स खारेज भएपछि स्वत सरकारको नाममा जानु पर्ने सम्पत्ति बैंकले मिलेमतोमा लिलाम गरेर सरकारलाई हानी नोक्सानी पुर्याएको विषयमा सीआईबीले छानबिन गरिरहेको छ।
