सिद्धार्थ क्यापिटलले वैशाख २१ गतेदेखि नयाँ सामुहिक लगानी कोष योजनाको इकाई निष्काशन गर्ने भएको छ । क्यापिटलले सिद्धार्थ म्युचुअल फण्ड अन्तर्गत संचालन हुने गरि सिद्धार्थ इक्विटी फण्ड २ नामको बन्दमुखी योजनाको इकाई निष्काशन गर्न लागेको हो ।
यस योजनाको आकार १ अर्बको रहेको छ, जसमा क्यापिटलले १० रुपैयाँ अंकित दरका १० करोड इकाई निष्काशन गर्ने छ। जसमा १ करोड ५० लाख इकाई कोष प्रबर्दक सिद्धार्थ बैंकलाई सुरक्षित राखी बाँकि रहेको ८ करोड ५० लाख इकाई सर्वसाधारणलाई निष्काशन हुन लागेको हो ।
यस निष्काशनमा आवेदन दिंदा न्युनतम १०० इकाई र अधिकतम १ करोड इकाईको लागि आवेदन दिन सकिने छ। आवेदन दिंदा छिटोमा वैशाख २४ गतेसम्म र सो अवधिसम्म पर्याप्त आवेदन नपरेमा ढिलोमा जेठ ४ गतेसम्म आवेदन दिन सकिने छ।
नेपाल धितोपत्र बोर्डले वैशाख २ गते क्यापिटललाई फण्ड निष्काशनको अनुमति दिएको थियो।
