नेपाल स्टक एक्सचेन्ज नेप्सेको इन्फर्मेशन सिस्टमको अडिट कार्यको जिम्मा आर.एस.एम अल्फा प्राइभेट लिमिटेडले पाएको छ । नेप्सेले आज सूचना जारी गर्दै सो कार्यको लागि प्राप्त प्रस्तावहरुमध्ये प्राविधिक तथा आर्थिक प्रस्तावमा आर.एस.एम अल्फाले उच्चतम अंक प्राप्त गर्न सफल भएकोले सोहि प्रस्ताव छनौट गरिएको जनाएको छ ।
नेप्सेका अनुसार आर.एस.एम अल्फा प्राइभेट लिमिटेडले भ्याट सहित ४ लाख ५२ हजार ८ सय ५२ रुपैयाँ २ पैसामा नेप्सेको इन्फर्मेशन सिस्टमको अडिटको कार्य गर्ने छ ।
नेप्सेले यस अघि ४ वटा कम्पनीलाई प्राविधिक रुपमा योग्य ठहर गरेको थियो। प्राविधिक रुपमा योग्य ठहर भएका कम्पनीमा S.A.R. Advisors Private Limited, R.S.M. Alpha Private Limited, Green Tick Nepal Private Limited, र CryptoGen Nepal Private Limited रहेका थिए।
यी कम्पनीले पेश गरेका आर्थिक प्रस्ताव वैशाख २ गते दिउँसो १ बजे नेप्सेको कार्यालयमा खोलिएको थियो। प्राविधिक तथा आर्थिक प्रस्तावमा आर.एस.एम अल्फाले उच्चतम अंक प्राप्त गर्न सफल भएकोले सोहि प्रस्ताव छनौट गरिएको नेप्सेले जनाएको छ ।
