चैत्र ११ देखि १५ गतेसम्म पोखरा लेकसाइडको तालबराही चोकस्थित खेल मैदानमा ‘वाडा अटो शो २०२६’ आयोजना हुने भएको छ । पश्चिमाञ्चल अटोमोबाइल्स डिलर्स एशोशिएसनले गत वर्ष वाडा अटो शो सफलतापूर्वक सम्पन्न गरेपछि यसवर्ष दोस्रो संस्करणको वाडा अटो शो आयोजना गर्न लागेको हो ।
प्रदर्शनीको व्यवस्थापन ग्लोबल एक्स्पोजिशन एण्ड मेनेजमेन्ट सर्भिसेज (जेम्स ईभेन्टस्)ले गर्नेछ भने स्टल बुकिङ्ग चाँडै खोलिने आयोजकले जनाएको छ ।
नेपाली नयाँ वर्ष २०८३ को पूर्व आगमनमा नेपालको पर्यटकिय राजधानी पोखरामा आयोजना हुन गईरहेको वाडा अटो शो २०२६ मा साना, मझौला तथ ठूला सवारी साधन, पार्ट पुर्जा, लुब्रिकेन्ट, टायर, वित्तिय संस्था समेतको सहभागीता रहने बताइएको छ ।
यस पटकको वाडा अटो शोमा नयाँ वर्ष २०८३ लाई मध्यनजर गरी सहभागी कम्पनीहरूबाट ल्याईने विभिन्न किसिमका अफरहरू, ईभी तथा आइसी ईन्जनका नयाँ–नयाँ ब्राण्डहरू एवं अन्य थुप्रै मनोरञ्जनात्मक तथा सूचनामूलक कार्यक्रमको अनुभव गर्न पाइने छ ।
