आज दुइ वाणिज्य बैंकको लाभांश सुरक्षित गर्ने अन्तिम दिन रहेको छ । सिद्धार्थ बैंक र सिटिजन्स बैंक इन्टरनेशनलको लाभांश सुरक्षित गर्ने आज कार्तिक १६ गते अन्तिम दिन हो।
साधारणसभा तथा लाभांश वितरण प्रयोजनका लागि यी दुई बैंकले कात्तिक १७ गते बुकक्लोज गर्दैछन् । जसअनुसार आजसम्म कायम शेयरधनीले यी बैंकहरुको साधारण सभामा भाग लिन तथा बैंकले वितरण गर्ने लाभांश प्राप्त गर्न सक्नेछन्।
सिद्धार्थ बैंकले कात्तिक ३० गते २४औँ वार्षिक साधारणसभा बोलाएको छ । उक्त साधारणसभाले ५ प्रतिशत बोनस शेयर र सोको कर प्रयोजनार्थसहित ५.५३ प्रतिशत नगद लाभांश वितरण गर्ने प्रस्ताव पारित गर्नेछ ।
यता सिटिजन्स बैंकले पनि ५ प्रतिशत बोनस शेयर र सोको कर प्रयोजनका लागि ०.२६ प्रतिशत नगद लाभांश वितरण गर्ने प्रस्ताव गरिसकेको छ ।
