अमेरिकी राष्ट्रपति डोनाल्ड ट्रम्पले कर थपेपछि भारत रुष्ट बनेको छ। त्यसको प्रतिक्रिया स्वरुप भारतले संयुक्त राज्य अमेरिकासँगको ठूलो हतियार खरिद योजनालाई स्थगित गरेको छ। यसमा ३.६ बिलियन डलर मूल्यको बोइङ पी-८आई विमान, स्ट्राइकर लडाकु सवारी साधन र ज्याभलिन मिसाइलहरू समावेश छन्।
भारतका रक्षामन्त्री राजनाथ सिंहले आगामी हप्ताहरूमा वासिङ्टनमा हुने भनिएको भ्रमण पनि रद्द गरेका छन्। यो भ्रमणमा केही हतियार खरिद सम्झौताहरूको घोषणा हुने अपेक्षा गरिएको थियो।
अमेरिकाले भारतको आयातमा २५ प्रतिशत कर वृद्धि गरेर ५० प्रतिशत पुर्याएपछि भारतले यो कदम चालेको हो । जुन व्यापार घाटा र रूससँगको तेल तथा हतियार सम्बन्धलाई लिएर लगाइएको थियो। भारतविरुद्धको ५०% कर वृद्धिको जवाफमा यो कदम चालेको हो। यसले भारत र अमेरिकाबीचको सम्बन्धमा तनाव उत्पन्न भएको संकेत गरेको छ।
यो कदमले भारतको रक्षा रणनीति र अन्तर्राष्ट्रिय सम्बन्धमा महत्त्वपूर्ण प्रभाव पार्न सक्छ। विशेषज्ञहरूका अनुसार, भारतले वैकल्पिक आपूर्तिकर्ताहरूको खोजी गर्न वा स्वदेशी हतियार उत्पादनमा जोड दिन सक्छ।
