समृद्धि फाइनान्सले आफ्ना चार शाखाहरूको दोस्रो वार्षिकोत्सव कार्यक्रम सम्पन्न गरेको छ । कम्पनीका गौर, औरही, मधुवन र खरेन्द्रपुर शाखाको दोस्रो वार्षिकोत्सव सम्पन्न भएको हो ।
वार्षिकोत्सव समारोहका अवसरमा शाखाले आफ्ना प्रमुख ग्राहकहरूलाई बोलाएर केक काट्ने र चियापान कार्यक्रम आयोजना गरेको छ । कार्यक्रममा शाखाको हालसम्मको प्रगति र वित्तीय जानकारी पनि प्रस्तुत गरिएको कम्पनीले जनाएको छ ।
यस अवसरमा, अहिलेसम्म दिएको साथ र विश्वासप्रति सम्पूर्ण ग्राहकहरूलाई कम्पनीले धन्यवाद दिएको छ ।
स्थानीय समुदायसँगको आत्मीय सम्बन्ध, समर्पण र विश्वासमा आधारित यस प्रकारका उत्सवहरूले समृद्धि फाइनान्सलाई अझ बलियो बनाउँदै लैजाने विश्वास लिइएको छ ।
