चालु आर्थिक वर्षको १० महिनामा १ अर्ब ७६ करोडको सिमेन्ट निर्यात भएको छ । भन्सार विभागका अनुसार चालु आर्थिक वर्ष २०८१/०८२ को १० महिनामा २ लाख ९० हजार १७९ टन सिमेन्ट निर्यात भएको हो । उक्त परिमाणको तयारी सिमेन्टको निकासीबाट नेपालले १ अर्ब ७६ करोड ९६ लाख ५६ हजार आम्दानी गर्न सफल भएको छ ।
भन्सार विभागका अनुसार सिमेन्ट क्लिङ्कर पनि निर्यात भएको छ । यस अवधिमा ६४ करोड ९२ लाख १९ हजार बराबरको ४ लाख ८१ हजार ९२५ टन सिमेन्ट क्लिङ्कर निकासी भएको भन्सारको तथ्यांक छ ।
सिमेन्ट र सिमेन्ट क्लिङ्कर दूबै भारतमा निकासी भएको हो ।
