सरकारले पूर्व अर्थसचिव रामेश्वर खनाल नेतृत्वको उच्चस्तरीय आर्थिक सुधार सुझाव आयोगको प्रतिवेदन कार्यान्वयन गर्न प्रधानमन्त्री कार्यालयका सचिवको नेतृत्वमा प्रतिवेदन कार्यान्वयन कार्ययोजना निर्माण समिति गठन गरेको छ । मंगलबार बसेको मन्त्रिपरिषद बैठकले प्रधामन्त्री कार्यालयका सचिव (शासकीय मामिला क्षेत्र)को संयोजकत्वमा ३ सदस्यीय प्रतिवेदन कार्यान्वयन कार्ययोजना निर्माण समिति गठन गरेको हो ।
जसमा अर्थ मन्त्रालयका राजस्व सचिव र उद्योग मन्त्रालयका उद्योग सचिव सदस्य रहेका छन् । यस समितिले आगामी ७ दिनभित्र खनाल आयोगको प्रतिवेदन कार्यान्वयनका लागि कार्यान्वयन कार्ययोजना बनाएर पेश गर्ने कार्यादेश पाएको छ ।
असोज २१ गते गठन भएको खनाल आयोगले चैत २९ गते अर्थमन्त्री विष्णुप्रसाद पौडेललाई प्रतिवेदन बुझाएको थियो ।
