रोयल ए–वान इन्भेष्टमेन्ट प्रा.लि.ले नयाँ वर्ष २०८२ को शुभकामना आदानप्रदान तथा भित्तेपात्रो लोकार्पण गरेको छ । एवान ग्रुपका अध्यक्ष हरि बहादुर श्रेष्ठ (नबिन)को अध्यक्षतामा र बागमती प्रदेशसभा सदस्य तथा बागमती प्रदेश मामिला समिति सभापति छिरिङ दोर्जे लामाको प्रमुख आतिथ्यतामा आयोजित शुभकामना आदानप्रदान कार्यक्रममा नयाँ वर्षको भित्तेपालो लोकार्पण गरिएको हो ।
शनिबार एवान क्याफे एण्ड पार्टी भेन्यू कपन सरस्वतीनगरमा नयाँ वर्षको शुभकामना आदानप्रदान तथा भित्तेपात्रो लोकार्पण कार्यक्रम सम्पन्न भएको ग्रुपका सचिव राकेश श्रेष्ठले जानकारी दिए । उनका अनुसार कार्यक्रमका अवसरमा रोयल एवान इभेष्टमेन्ट प्रा.लि.का सेयर सदस्यहरु र कर्मचारीबीच आर्थिक, सामाजिक, उत्पादन, उद्यमशीलता, नेपालको सेवा क्षेत्रको अवस्था लगायतका विषयमा छलफल समेत भएको छ ।
काठमाडौं उपत्यकामा एवान ग्रुपले २१ वटा शाखामार्फत होटेल, रेस्टुरेन्ट तथा पार्टीप्यालेस सञ्चालन गरिरहेको छ । कम्पनीले हालसम्म ५ सय जनालाई नियमित रोजगारी र १५० जनालाई उद्यमी बनाएको ग्रुपका सचिव राकेश श्रेष्ठले जानकारी दिएका छन् । यस ग्रुपमा चर्चित हास्यकलाकार केदार घिमिरे (माग्ने बुढा), जित बहादुर नेपाल (जितु) लगायतका व्यक्तिहरु पनि जोडिएका छन् ।
