नेपाल दूरसञ्चार कम्पनी लिमिटेड (नेपाल टेलिकम)ले गत वर्षको नाफाबाट सेयरधनीलाई वितरण गर्ने लाभांश घोषणा गरेको छ । कम्पनीले गत आर्थिक वर्षको मुनाफाबाट सेयरधनीलाई करसहित ३० प्रतिशत नगद लाभांश वितरण गर्ने प्रस्ताव गरेको हो ।
कम्पनीको शनिबार बसेको सञ्चालक समिति बैंठकले गरेको उक्त प्रस्ताव आगामी साधारणसभाबाट अनुमोदन भएपछि सेयरधनीमा वितरण हुनेछ । कम्पनीले गएको वर्ष ४० प्रतिशत नगद लाभांश वितरण गरेको थियो ।
कम्पनीले प्रस्तावित लाभांश पारित गर्न पुस २८ गते आइतबार १७औँ वार्षिक साधारणसभा बोलाएको छ ।
साधारण सभा तथा लाभांश वितरण प्रयोजनार्थ कम्पनीले पुस १८ गते बुकक्लोज मिति तय गरेको छ । यसर्थ पुस १७ गतेसम्म नेप्सेमा कारोबार भइ कायम सेयरधनीहरुले कम्पनीको लाभांश प्राप्त गर्नेछन् ।
