चालु आर्थिक वर्ष २०८१/८२ को तेस्रो महिनामा शेयर लगानीकर्ताले ५८ करोड ६५ लाख बढी पुँजीगत लाभकर तिरेका छन् । २०८१ असोज महिनामा शेयर लगानीकर्ताले ५८ करोड ६५ लाख ४० हजार ४ सय ६५ रुपैयाँ ५२ पैसा बराबरको पुँजीगत लाभकर तिरेका हुन् ।
जस मध्ये व्यक्तिगत लगानीकर्ताले तिरेको दीर्घकालीन पुँजीगत लाभकरको हिस्सा २३ करोड ६५ लाख रहेको छ भने व्यक्तिगत लगानीकर्ताले तिरेको अल्पकालीन लाभकरको हिस्सा २८ करोड ८५ लाख रहेको छ । कुल पुँजीगत लाभकरमा अल्पकालीन लगानीकर्ताले तिरेको पुँजीगत लाभकर ४९.१९ प्रतिशत रहेको छ ।
असोज महिनामा संस्थागत लगानीकर्ताले ६ करोड ९ लाख पुँजीगत लाभकर तिरेका छन् भने स्टक डिलरले ४ लाख ३४ हजार रुपैयाँ बराबरको पुँजीगत लाभकर तिरेका छन् । असोज महिनामा दशैँ विदा, संविधान दिवसको विदा तथा इन्द्र जात्राको विदाको कारण कुल १६ दिन मात्र शेयर कारोबार भएको थियो ।
२०८१ भदौमा भने लगानीकर्ताले २ अर्ब ५७ करोड ९४ लाख ८० हजार ६ सय ७ रुपैयाँ ९७ पैसा बराबरको पुँजीगत लाभकर तिरेका थिए । २०८१ साउनमा लगानीकर्ताले ४ अर्ब २३ करोड ५३ लाख पुँजीगत लाभकर तिरेका थिए ।
