आज बुधबार शेयर बजार परिसूचक नेप्से दोहोरो अंकले बढेको छ । आज नेप्से सूचक ६४.२६ अंकले बढेर २७६०.९१ को बिन्दुमा पुगेर रोकिएको छ ।
आज कारोबारमा आएका ३३२ कम्पनीका ५ करोड ९ लाख ६७ हजार ९ सय ५१ कित्ता शेयर खरिद बिक्रीबाट २१ अर्ब ९१ करोड १५ लाख ३ हजार १ सय ६१ रुपैयाँ ०५ पैसाको कारोबार भएको हो । यो हालसम्मै कै उच्च कारोबार हो । यस अघि साउन ३१, २०७८ मा शेयर बजारमा २१ अर्ब ६४ करोडको कारोबार भएको थियो । आज त्यो रेकर्ड ब्रेक भएको हो ।
आज हिमालयन रिस्योरेन्सको सर्वाधिक ८४ करोड ४९ लाखको कारोबार भएको छ भने माउन्टेन इनर्जीको ४१ करोड ९ लाखको कारोबार भएको छ ।
आज कारोबारमा आएका मध्ये ८ कम्पनीको शेयर मूल्य १० प्रतिशतले बढेको छ भने २ कम्पनीको शेयर मूल्य ९.९९ प्रतिशत बढेको छ ।
आज सिभिल बैंकको ऋणपत्रको सर्वाधिक ७.९२ प्रतिशतले घटेको छ भने आत्मनिर्भर लघुवित्तको शेयर मूल्य ६.५२ प्रतिशत बढेको छ । आज उपकार लघुवित्तको ५ प्रतिशत तथा एशियन हाइड्रोको शेयर मूल्य ४.०४ प्रतिशत घटेको छ ।
आज कारोबारमा आएका मध्ये सबै समूहगत सूचक बढेका छन् । जस मध्ये फाइनान्स समूह सर्वाधिक ८.०८ प्रतिशत तथा इन्भेष्टमेन्ट समूह ६.८९ प्रतिशत बढेको छ ।
