जी मोटर्सले आगामी ‘नाडा अटो शो’मा ‘स्काइवेल’का दुई मोडल प्रस्तुत गर्ने भएको छ । जी मोटर्सले भदौ ११ देखि सुरु हुने नाडा अटो शोमा स्काइवेल बीई११ का दुई मोडल प्रस्तुत गर्ने भएको हो ।
स्काइवेल बीई११ का दुई मोडलमा क्रमशः ५१.९२ किलोवाट आवर र ७१.९८ किलोवाट आवर क्षमताको ब्याट्री हुनेछ । दुवैमा १५० किलोवाटको मोटर जडित हुनेछ । यी दुई मोडलले सिंगल चार्जमा क्रमशः ४१० र ५२० किलोमिटर रेन्ज दिने बताइएको छ ।
भन्सार प्रयोजनका लागि सार्वजनिक गरिएको मूल्य सूची अनुसार यी दुई मोडलको मूल्य क्रमशः ७९ लाख ९० हजार र ८९ लाख ९० हजार रुपैयाँ हुनेछ ।
नेपाली बजारमा जी मोटर्सले हाल स्काइवेलको ईटी५ ईभी बिक्री गरिरहेको छ ।
