बजाज मोटरसाइकलको नेपालका लागि आधिकारिक बिक्रेता हंशराज हुलाशचन्द एण्ड कम्पनीले नवविवाहित जोडीलाई लक्षित गरेर नयाँ अफर ल्याएको छ । हंशराज हुलाशचन्द एण्ड कम्पनीले ‘नयाँ जीवनको भरपर्दो सहयात्री’ नामक नयाँ योजना ल्याएको हो ।
यस योजनाअनुसार १०० सीसीदेखि १५० सीसीसम्मका बजाका मोटरसाइकल खरिद गर्दा ७ हजारसम्म छुट पाउन सकिनेछ ।
यस योजनाबारे आफ्नो धारणा व्यक्त गर्दै गोल्छा ग्रुपका निर्देशक अभिमन्यु गोल्छाले भने, ‘नयाँ जिम्मेवारीसँगै नयाँ जीवन सुरुवात गर्नेहरूका लागि यो अफर ल्याएका छौं, नयाँ सोच, नयाँ संकल्पले नयाँ जीवनलाई सहज बनाउने विश्वाससमेत लिएको छु ।’
गोल्छाले नवविवाहित जोडीलाई लक्षित गरिएको भएपनि यस योजनाबाट सबैले लाभ लिन सक्ने बताए ।
यो योजना माघ १५ देखि नै लागू भइसकेको छ ।
