समृद्धि फाइनान्स कम्पनी लिमिटेडमा दुई नयाँ संचालक नियुक्त भएका छन्। कम्पनीको बैशाख २५ गते बसेको संचालक समितिको बैठकले दुई नयाँ संचालक नियुक्त गरेको हो।
बैठकले संस्थापक शेयरधनी एस.जी. अर्गनाइजेशन लिमिटेडको तर्फबाट रोशन पन्तलाई तथा स्वतन्त्र संचालकको रूपमा अजय कुमार मिश्रलाई संचालक पदमा नियुक्त गर्ने निर्णय गरेको हो।
फाइनान्सले देशभर १३ वटा शाखा कार्यालयमार्फत सेवा दिइरहेको छ। समृद्धि फाइनान्सले ग्राहकहरुलाई आधुनिक बैंकिङ्ग अनुभव प्रदान गर्ने उद्देश्यले आर.टि.जि.एस, आइपीएस, कनेक्ट आइपीएस तथा क्यू.आर कोडजस्ता डिजिटल सेवाहरु समेत उपलब्ध गराउँदै आएको छ।
