मानव अधिकार तथा शान्ति समाजले युद्द रोक्न माग गर्दै प्रदर्शन गरेको छ । समाजले शुक्रवार काठमाडौंस्थित भारतीय दुतावास र पाकिस्तानी दुतावास अगाडि प्रदर्शन गरिएको हो ।
उनीहरुले शान्तिको कुनै विकल्प हुँदैन, युद्धमा कसैले पनि जित्दैनन्, पराजित केबल मानवता हुने गर्दछ, आतंकवाद सदैव निन्दनीय छ र सिन्धु जल सम्झौता निलम्वन गर्नु कति मानवीय छ ? भारत संसारको सबैभन्दा ठूलो लोकतन्त्र, नेपालको लोकतन्त्रबिरुद्ध पनि कतैबाट षड्यन्त्र नहोस्, भारत र नेपालबीच नागरिस्तरको प्रगाढ सम्बन्ध गर्वको विषय हो, अतिवाद र आतंकवादबाट पीडित पाकिस्तान स्वयंले आतंकवादलाई अंगालो किन हालेको ? अतिवाद र आतंकवाद मानवताका शत्रु हुन्, आतंकवाद सदैव निन्दनीय छ लगायतका प्लेकार्ड बोकेर प्रदर्शन गरेका हुन् ।
पछिल्लो समय भारत र पाकिस्तानबीच बढेको तनाव मिसाईल र ड्रोन आक्रमण तहसम्म नै पुगेपछि दुई देशबीच युद्द हुने जोखिम बढेको छ । समाजले युद्द रोक्न माग गर्दो प्रदर्शन गरेको हो ।
