ट्रेड टावर ग्रुप अन्तर्गतको इन्भेष्टमेन्ट कम्पनी भिस्तारा नेपाल लिमिटेडले मेरो किसान लिमिटेडमा लगानी गरेको छ। आइतबार दुई पक्षबीच लगानी सम्झौतामा हस्ताक्षर भएको हो।
मेरोकिसान लिमिटेड नेपालको कृषि-उद्यम हो, जसले देशको कृषि र खाद्य आपूर्ति शृङ्खलालाई रूपान्तरण गर्दैछ। साथै किसानहरूलाई व्यावसायिक र सशक्त बनाउने काम गर्दछ। यस कम्पनीले किसानको उत्पादन खरिद गरेर सिधै उपभोता माझ पुर्याउदै आएको छ ।
भिस्तारा नेपाल लिमिटेडले भने ऊर्जा, पर्यटन तथा आतिथ्य, भौतिक पूर्वाधार, उत्पादन तथा प्रशोधन, कृषि / कृषि उद्योगहरू, शिक्षा तथा स्वास्थ्य सेवा, लगायतका क्षेत्रमा लगानी गर्दै आएको छ । कम्पनीले सन् २०८५ सम्म आईपीओ निष्काशन गर्ने र चुक्ता पुँजी १ अर्ब पुर्याउने योजना बनाएको छ । कम्पनीमा ट्रेड टावर ग्रुपका संस्थापकहरु कै मुख्य लगानी रहेको छ ।
