चालु आर्थिक वर्ष २०८१/८२ को पहिलो महिना (२०८१ साउन) मा नेपालले १ खर्ब २८ अर्ब ३७ करोड रुपैयाँ बराबरको बस्तु तथा सेवा आयात भएको छ । गत आर्थिक वर्षको सोहि अवधिको तुलनामा आयात ०.६७ प्रतिशत आयात घटेको हो । गत आवको पहिलो महिनामा १ खर्ब २९ अर्ब ३८ करोड रुपैयाँ बराबरको बस्तु तथा सेवा आयात भएको थियो ।
आयातसँगै नेपालको निर्यात पनि घटेको छ । चालु आवको पहिलो महिनामा निर्यात ९.६३ प्रतिशतले घटेको हो । चालु आवको पहिलो महिनामा १२ अर्ब २२ करोड रुपैयाँको बस्तु तथा सेवा निर्यात भएको छ । गत वर्षको सोहि अवधिमा यस्तो निर्यात १३ अर्ब ५२ करोड रुपैयाँको भएको थियो ।
यो अवधिमा १ खर्ब ४० अर्ब ६० करोड रुपैयाँको वैदेशिक व्यापार भएको छ। गत आवको सोहि अवधिको तुलनामा यो १.५२ प्रतिशत कम हो । गत आवको सोहि अवधिमा नेपालको वैदेशिक व्यापार १ खर्ब ४२ अर्ब ७६ करोड रहेको थियो ।
समग्रमा साउन महिनामा नेपालको ब्यापार घाटा १ खर्ब १६ अर्ब १५ करोड रुपैयाँ रहेको छ । जुन गत आवको सोहि अवधिको तुलनामा ०.३८ प्रतिशत बढी हो । गत आवको साउन महिनामा १ खर्ब १५ अर्ब ७१ करोड रुपैयाँ व्यापार घाटा रहेको थियो।
