प्रधानमन्त्री केपी शर्मा ओलीले विद्युत प्राधिकरणका प्रबन्ध निर्देशक कुलमान घिसिङसँग सरकारले कुनै विषयमा सोधपूछ गर्नै हुँदैन भन्ने भाष्य गलत भएको बताएका छन् । खासगरि माओवादी केन्द्रका सांसदहरुले विद्युत प्राधिकरणको नेतृत्वलाई सरकारले दबाब दिएको भन्ने आशयका प्रश्न सोधेपछि तिनको जवाफ दिने क्रममा प्रधानमन्त्री ओलीले सरकारले प्राधिकरणलाई निर्देशन दिनै नहुने जसरी प्रस्तुत नहुन आग्रह गरेका हुन् ।
प्रतिनिधिसभामा भएको प्रश्नोत्तर कार्यक्रममा प्रधानमन्त्री ओलीले भने, ‘के गोदान हो त्यो ? सोधीखोजी पनि गर्न पाइँदैन ? सरकारले सोधीखोजी गर्छ ।’
उनले विद्युतको बक्यौता २२ अर्ब उठाउनुपर्ने महालेखाको हिसाब भएपनि तत्कालिन सरकारले मन्त्रिपरिषदबाटै निर्णय गरेर प्राधिकरणलाई ६ अर्ब मात्रै उठाउन निर्देशन दिएको भन्दै यसको यसको सोधीखोजी हुनुपर्ने र आफू नेतृत्वको सरकारले सोधीखोजी गर्ने पनि बताएका छन् ।
