प्रधानमन्त्री केपी शर्मा ओलीले युवाहरूलाई २०/३० वर्षकै उमेर विवाह गरेर बालबच्चा जन्माउन र हुर्काउन आग्रह गरेका छन् । अन्तर्राष्ट्रिय युवा दिवसका अवसरमा आयोजित ‘नेपाल युवा सम्मेलन २०२४’ को समापन कार्यक्रममा प्रधानमन्त्री ओलीले नेपाल ज्येष्ठ नागरिकको मात्रै मुलुक बन्नसक्ने खतरा बढेको बताउँदै बैलैमा विवाह गरेर सन्तान जन्माउन आग्रह गरेका हुन् ।
‘गीत गाउँछन् ४० कटेसी रमाउँला भनेर, उमेर छउञ्जेल विदेशमा बसेपछि जनसंख्या झन् घट्ने भयो । मेरो एउटा सुझाव छ, २०/३० वर्षमा बिहे गर्नुस्, छिट्टै बच्चाबच्ची पाइहाल्नुस्’ उनले भने, ‘त्यसो गरेपछि काममा लागे पनि भयो, विदेश गए पनि भयो, छोराछोरी हुर्कँदै गर्छन् । फ्युचर जेनेरेसनको कुरा गर्ने, अनि फ्युचर भनेको पैसा हो ? पैसाले फ्युचर हुन्छ ? त्यसका लागि बालबच्चा चाहिन्छ होला नि !’
प्रधानमन्त्री ओलीले युवाहरुलाई उद्यमशीलता विकास गर्न सरकारले योजना बनाइरहेको र देश विकासका लागि युवा शक्ति मुलुकभित्रै बस्नुपर्ने पनि बताएका छन् ।
