बुधबार बिहान त्रिभुवन अन्तराष्ट्रिय विमानस्थलमा दुर्घटनाग्रस्त भएको सौर्य एयरलायन्सको जहाजमा १९ जना सवार रहेको पाईएको छ । ९एन-एएमई कल साइनको सो जहाज मर्मतको लागि एयरलायन्स कै इन्जीनियर र अन्य कर्मचारी बोकेर पोखराको लागि उडेको बताईएको छ ।
नेपाल नागरिक उड्ड्यन प्राधिकरणका सूचना अधिकारी ज्ञानेन्द्र भुलका अनुसार सो जहाज प्राविधिक परीक्षणका लागि पोखरा जान लागेको थियो ।
जहाज उडाईरहेका क्याप्टेन मनिष थापाको उद्दार गरि सिनामंगलस्थित केएमसी अस्पताल लगिएको काठमाडौं उपत्यका प्रहरी कार्यालयले जनाएको छ। जहाज बुधबार बिहान ११ बजेतिर दुर्घटनामा परेको हो । दुर्घटना भए लगत्तै विमानमा आगो लागेको थियो ।
