निर्वाचन आयोगले समानुपातिक निर्वाचन प्रणालीतर्फको बन्दसूची प्रकाशन गरेको छ। आयोगले ०८२ साल फागुन २१ गते हुने प्रतिनिधि सभा सदस्य निर्वाचनको लागि राजनीतिक दलबाट निर्वाचन आयोगमा पेस भएका उम्मेदवारको बन्दसूची आयोगको वेबसाइट www.election.gov.np मा प्रकाशन गरेको हो ।
आयोगका अनुसार ५७ निर्वाचन चिन्हमा ६३ राजनीतिक दलबाट पेस भएका ३२१३ जना उम्मेदवारको बन्दसूची प्रकाशन गरिएको छ । उक्त बन्दसूचीमा नाम समावेश भएका कुनै उम्मेदवारको योग्यताको सम्बन्धमा दाबी विरोध गर्न चाहने मतदाताले मिति २०८२/१०/०५ देखि मिति २०८२/१०/१० सम्म बिहान १०:०० बजेदेखि साँझ १६:०० बजेभित्र निर्वाचन आयोग समानुपातिक निर्वाचन प्रणालीतर्फको निर्वाचन अधिकृतको कार्यालयमा उपस्थित भई दावी विरोधमा निर्देशिका बमोजिम निर्धारित ढाँचामा उजुरी गर्न सक्ने छन्।
