नेकपा एमालेका अध्यक्ष केपी शर्मा ओलीले जेनजी आन्दोलनका नाममा अर्थतन्त्रको मेरुदण्ड भाँचिएको टिप्पणी गरेका छन् । पार्टीको ११औँ महाधिवेशनको उद्घाटन गर्दै पूर्वप्रधानमन्त्री समेत रहेका ओलीले भदौ २३ र २४ गते भएको जेनजी आन्दोलनबारे बोल्दै अर्थतन्त्रको मेरुदण्ड भाँचिएको बताएका हुन् ।
उद्योग र व्यवसायिक प्रतिष्ठानमा आन्दोलनकारीले आगजनी, तोडफोड र चोरी गरिएको भन्दै ओलीले यसबाट मुलुकको अर्थतन्त्र नै ध्वस्त बनाइएको बताए । ‘उद्योग र व्यवसायिक प्रतिष्ठानमा आगजनी, तोडफोड गरियो’ ओलीले भने, ‘उद्योगी व्यवसायीका निजी सम्पत्ति र घरसमेत जलाइए । यसरी जेनजी आन्दोलनका नाममा मुलुकको अर्थतन्त्रको मेरुदण्ड नै भाँचियो ।’
उनले उक्त घटनाको निष्पक्ष छानबिन हुनुपर्ने पनि बताए ।
