सामान आयात निर्यात गर्नको लागि लिनु पर्ने एक्जिम कोड लिंदा बखत राखिएको बनक जमानत फुकुवा हुने भएको छ। भन्सार विभागले असार १९ गते सम्पूर्ण वाणिज्य बैंकहरुलाई पत्राचार गर्दै बैंक जमानत फुकुवा गर्न भनेको हो ।
विभागका अनुसार बैंकहरुले निकासी पैठारी संकेत नम्बर (EXIM Code) प्रदान गर्दा साविकमा भन्सार विभागको नाममा तीन लाख रुपैयाँ राख्ने व्यवस्था थियो । अब भने सो व्यवस्था भन्सार नियमावली, २०६४ (सोहौ संशोधन २०८२ )को नियम ६६६ को उपनियम (२) को खण्ड (ख) र नियम ६६६१ को उपनियम (३) बाट हटाइएको छ ।
अब बैंकले बैंकमा विभिन्न पैठारीकर्ताहरुले निकासी पैठारी संकेत नम्बर (EXIM Code) लिने प्रयोजनार्थ राखेको तीन लाख रुपैयाँ बराबरको बैंक जमानत फुकुवा गर्नु पर्ने छ। यसो हुँदा एक्जिम कोड लिएका हरेक आयात निर्यात गर्ने ट्रेडरले ३ लाख रुपैयाँ फिर्ता पाउने छ। यसले उनीहरुको नगद प्रवाह सहज बनाउने छ।
