चालु आर्थिक वर्ष २०८१/८२ को ८ महिनासम्ममा नेपालले ११ खर्ब ४५ अर्ब ५६ करोड रुपैयाँ बराबरको बस्तु तथा सेवा आयात गरेको छ । गत आर्थिक वर्षको सोहि अवधिको तुलनामा आयात ११.२० प्रतिशतले बढेको हो । गत आवको पहिलो ८ महिनामा १० खर्ब ३० अर्ब २२ करोड रुपैयाँ बराबरको बस्तु तथा सेवा आयात भएको थियो ।
आयातसंगै नेपालको निर्यात पनि बढेको छ । चालु आवको ८ महिनासम्ममा निर्यात ५७.२० प्रतिशतले बढेको हो । चालु आवको ८ महिनासम्ममा १ खर्ब ५८ अर्ब १७ करोड रुपैयाँको बस्तु तथा सेवा निर्यात भएको छ । गत वर्षको सोहि अवधिमा यस्तो निर्यात १ खर्ब ६१ करोड रुपैयाँको भएको थियो ।
यो अवधिमा १३ खर्ब ३ अर्ब ७३ करोड रुपैयाँको वैदेशिक व्यापार भएको छ। गत आवको सोहि अवधिको तुलनामा यो १५.२९ प्रतिशत बढी हो । गत आवको सोहि अवधिमा नेपालको वैदेशिक व्यापार ११ खर्ब ३० अर्ब ८४ करोड रहेको थियो ।
समग्रमा २०८१ साउनदेखि २०८१ फागुन महिनासम्ममा नेपालको ब्यापार घाटा ९ खर्ब ८७ अर्ब ३९ करोड रुपैयाँ रहेको छ । जुन गत आवको सोहि अवधिको तुलनामा ६.२२ प्रतिशत बढी हो । गत आवको पहिलो ८ महिनामा ९ खर्ब २९ अर्ब ६० करोड रुपैयाँ व्यापार घाटा रहेको थियो।
