प्रहरी अतिरिक्त महानिरीक्षक (एआईजी) दीपक थापा नेपाल प्रहरीको ३१ औं महानिरीक्षक (आईजीपी) नियुक्त भएका छन्। आज सोमबार बसेको मन्त्रिपरिषद्को बैठकले थापालिई नेपाल प्रहरीको ३१ औं आईजीपी नियुक्त गर्ने निर्णय गरेको हो ।
अन्य दुई प्रतिस्पर्धी एआईजीद्वय सुदीप गिरी र टेकबहादुर तामाङलाई पछि पार्दै थापा नेपाल प्रहरी प्रमुख नियुक्त भएका हुन् । ३ जना एआईजी मध्ये थापा वरिष्ठतम् थिए। थापा २०७९ चैत ६ मा एआईजीमा बढुवा भएका थिए भने गिरी र तामाङ १८ दिनपछि मात्र अर्थात् २०७९ चैत २४ एआईजीमा बढुवा भएका थिए।
महानिरीक्षक वसन्त बहादुर कुँवर आज सोमबार अनिवार्य अवकाशमा गएसंगै सरकारले नयाँ महानिरीक्षक नियुक्त गरेको हो । गृह मन्त्रालयले आज नै कुँवरको विदाई गरिसकेको छ । आईजीपी कुँवरसँगै एआईजीहरू टेकप्रसाद राई, बुद्धिबहादुर गुरुङ, दुर्गा सिंह, कुबेर कडायत र जनक भट्टराई आजै बिदाई भएका छन्।
नव नियुक्त आईजीपी थापाले ६ महिना संगठनको नेतृत्व गर्न पाउँने छन् ।
