रोटरी क्लब अफ कपनको आयोजनामा होली मिलन कार्यक्रम सम्पन्न भएको छ । क्लबले होलीको अवसरमा क्लबका सदस्यहरुबीच होली मिलन कार्यक्रम आयोजना गरि शुभकामना आदानप्रदान गरेको हो ।
कार्यक्रममा ल्कबकी निवर्तमान अध्यक्ष सुचिता काफ्लेले सबैलाई स्वागत गर्दै शुभकामना ब्यक्त गरेकी थिइन् । क्लबका इलेक्ट प्रेसिडेन्ट प्रल्हाद दाहालले होली परम्परा, यसको सांस्कृतिक एवं मौलिकता सम्बन्धि सचेतनाबारे जानकारी दिने उदेश्यका साथ कार्यक्रम आयोजना गरिएको बताए ।
क्लबका सल्लाहकार मनोज कँडेलले यसरी साथीभाईबीच होली मिलन कार्यक्रम मनाएकोमा क्लबलाई धन्यवाद दिएका छन् ।
कलबका सचिव दिपकचन्द्र गौतमले यस क्लबको प्राथमिकता सामाजिक गतिविधिसहित रितिरिवाज र परम्परा बचाउनेमा समेत केन्द्रित रहँदै आएको बताएका छन् ।
कार्यक्रमको अन्त्यमा क्लबकी अध्यक्ष नियुक्ति शेर्पाले आगामी दिनमा क्लबले गर्ने कार्यक्रम बारे जानकारी गराउँदै सबैलाई होलिको शुभकामना व्यक्त गरिन् ।
होली पर्व अथवा फागु पूर्णिमा हिन्दूहरूको प्रमुख चाड हो । हिन्दू संस्कृति अनुसार यसको इतिहास त्रेता युगसँग जोडिएको पाइन्छ । आजभोलि स्कुल, कलेज, कार्यालय एवं विभिन्न स्थानमा विभिन्न रङ खेल्दै होली पर्व प्राथमिकताका साथ मनाउने गरिएको छ ।
