आज बिहिबार पनि प्रतिनिधिसभा बैठक बस्दै छ । बैठक बिहान ११ बजेको लागि बोलाईएको छ ।
आजको बैठकमा प्रधानमन्त्रीसँग प्रत्यक्ष प्रश्नोत्तर कार्यक्रमको कार्यसूची राखिएको छ । जस अन्तर्गत प्रधानमन्त्री पुष्पकमल दाहाल (प्रचण्ड) ले प्रतिनिधि सभा नियमावली, २०७९ को परिच्छेद-९ बमोजिम सांसद सदस्यहरुले सोधेका प्रश्नको जवाफ दिने छन्।
त्यसपछि बजेटमाथि उठेका प्रश्नमा समबन्धित मन्त्रालयका मन्त्रीहरुले जवाफ दिने कार्यसूची छ । विनियोजन विधेयक, २०८१ अन्तर्गत विभिन्न सात वटा मन्त्रालयको विभिन्न शीर्षकहरुमाथिको छलफलको क्रममा उठेका प्रश्नहरुको सम्बन्धित मन्त्रीहरुले जवाफ दिने छन् ।
आज उद्योग, वाणिज्य तथा आपूर्ति मन्त्री, भूमि व्यवस्था, सहकारी तथा गरिबी निवारण मन्त्री, कृषि तथा पशुपंक्षी विकास मन्त्री, कानुन, न्याय तथा संसदीय मामिला मन्त्री, सञ्चार तथा सूचना प्रविधि मन्त्री, सँस्कृति, पर्यटन तथा नागरिक उड्डयन मन्त्री ,र संघीय मामिला तथा सामान्य प्रशासन मन्त्रीले आफ्नो मन्त्रालयको बजेट माथि उठेका प्रश्नको जवाफ दिने छन्।
