नेपाल वैदेशिक रोजगार व्यवसायी संघको ३१औँ वार्षिक साधारणसभा र निर्वाचन सरेको छ । यसअघि फागुन २ गते तय भएको ३१औँ वार्षिक साधारणसभा र निर्वाचन २०८२ असार १७ गते गर्नेगरी सरेको हो ।
संघका महासचिव मेघनाथ भुर्तेलले संघको स्थापना दिवस पनि असार १७ मै पर्ने भएकोले सोही दिन साधारणसभा र निर्वाचन गर्ने गरि नयाँ मिति तोकिएको जानकारी दिएका छन् । उनका अनुसार निर्वाचन नहुँदासम्म अहिलेकै कार्यसमितिले काम गर्ने गरि जिल्ला प्रशासन कार्यालयलाई जानकारी गराइसकिएको छ ।
यद्यपी, केही संगठनले भने निर्वाचन सार्ने निर्णयप्रति असहमति जनाउँदै संघमा ज्ञापनपत्र बुझाएका छन् । साधारणसभा र निर्वाचन प्रयोजनका लागि करिब ८ सय म्यानपावर व्यवसायीले सदस्यता नवीकरण गराएका छन् ।
