साल्ट ट्रेडिङ कर्पोरेशनकी प्रमुख कार्यकारी अधिकृत उर्मिला श्रेष्ठ ‘म्यानेजर अफ द इयर’ अवार्डबाट सम्मानित भएकी छिन् । नेपाल व्यवस्थापन संघले आफ्नो ४४ औँ वार्षिक साधारणसभा तथा राष्ट्रिय व्यवस्थापन सम्मेलनमा श्रेष्ठलाई ‘म्यानेजर अफ द इयर’ अवार्ड प्रदान गरेको हो ।
श्रेष्ठ ३७ वर्षदेखि साल्ट ट्रेडिङ कर्पोरेशनमा कार्यरत रहेको र सन् २००७ यता प्रमुख कार्यकारी अधिकृतका रुपमा कार्यरत रहेको भन्दै संघले ‘म्यानेजर अफ द इयर’ अवार्ड प्रदान गरेको हो ।
त्यस्तै ‘वुमन म्यानेजर रिकगनिशन’ अवार्ड स्नेहा राजभण्डारीलाई प्रदान गरिएको छ । राजभण्डारी बोटलर्स नेपाल लिमिटेडको पब्लिक अफेयर्स, कम्युनिकेसन्स र सस्टेनेबिलिटी डाइरेक्टर हुन् ।
संघले पूर्व मुख्यसचिव तथा संघका पूर्व अध्यक्ष डा. विमल कोइरालालाई पनि सम्मान गरेको छ ।
