सरकारले ताप्लेजुङको पाथीभरा (मुक्कुम्लुङ) क्षेत्रमा केबलकार निर्माणको विषयलाई लिएर उत्पन्न विवाद समाधानका लागि वार्ता समिति बनाएको छ । गृह मन्त्रालयले सम्बद्ध पक्षहरूसँग वार्ता गर्न सहसचिव प्रेमप्रसाद भट्टराईको नेतृत्वमा वार्ता टोली गठन गरेको छ ।
गृहमन्त्रीस्तरीय निर्णयबाट मन्त्रालयका सहसचिव भट्टराईको संयोजकत्वमा वार्ता टोली गठन गरिएको हो ।
टोलीमा संघीय मामिला तथा सामान्य प्रशासन मन्त्रालय, संस्कृति, पर्यटन तथा नागरिक उड्डयन मन्त्रालय र सहरी विकास मन्त्रालयका प्रतिनिधि रहेका छन् । गृहका प्रवक्ता रामचन्द्र तिवारीका अनुसार वार्ता टोलीले तत्काल कार्य प्रारम्भ गर्नेछ ।
मन्त्रालयले आन्दोलनरत पक्षलाई आन्दोलनका कार्यक्रमहरू फिर्ता लिई वार्तामार्फत समस्या समाधानमा सहयोग अपिल गरेको छ ।
