अन्तराष्ट्रिय क्रिकेट काउन्सील आईसीसीको आगामी अध्यक्ष जय शाह हुने भएका छन् । आगामी अध्यक्षको लागि शाहको मात्र मनोनयन परेपछि उनी अध्यक्ष हुने निश्चित भएको हो ।
हाल शाह भारतीय क्रिकेट बोर्ड(बीसीसीआई) को सचिव छन् । शाहले आईसीसीको अध्यक्षको रुपमा आगामी डिसेम्बर १ बाट कार्यभार सम्हाल्ने छन् । हाल आईसीसीका अध्यक्ष रहेका ग्रेग बार्क्लेले कार्यकाल नदोहोर्याउने बताएपछि शाहले अध्यक्ष पदको लागि मनोनयन दर्ता गरेका थिए । अन्य कुनै पनि उम्मेदवारले मनोनयन दर्ता नगरेपछि शाह आगामी अध्यक्ष बन्ने निश्चित भएको हो ।
हाल पनि शाह आईसीसीको फाइनान्स एण्ड कमर्शियल अफेयर्स कमिटीको अध्यक्ष, मेन्स क्रिकेट कमिटीमा फुल मेम्बर प्रतिनिधि, स्ट्रयाटेजिक ग्रोथ कमिटीमा सदस्य, र नोमिनेशन कमिटीमा सदस्य छन् ।
