आज बुधबार सुनको भाउ हालसम्मकै उच्च पुगेको छ। मंगलबार तोलाको १ लाख ५२ हजार ३ सय रुपैयाँमा कारोबार भएको छापावाल सुनको भाउ आज तोलामा ८ सय रुपैयाँ बढेर तोलाको १ लाख ५३ हजार १ सय रुपैयाँ पुगेको हो ।
आज प्रति १० ग्राम छापावाल सुनको भाउ १ लाख ३१ हजार २ सय ६० रुपैयाँ तोकिएको छ । नेपाली बजारमा आज कायम भएको सुनको भाउ हालसम्मकै उच्च हो ।
यसअघि गत भदौ ५ गते सुनको मूल्य हालसम्मकै उच्च कायम भएको थियो। त्यसदिन छापावाल सुनको मूल्य प्रतितोला १ लाख ५३ हजार रुपैयाँ कायम भएको थियो। आज सो रेकर्ड तोडिएको हो ।
आज चाँदीको भाउ भने तोलामा ५ रुपैयाँले बढेर तोलाको १ हजार ८ सय ५५ रुपैयाँमा कारोबार भइरहेको छ । आज १० ग्राम चाँदीको भाउ १ हजार ५ सय ९० रुपैयाँ ५० पैसा तोकिएको छ ।
