हिमालय उर्जा विकास कम्पनीको हकप्रदमा आवेदन दिने आज भदौ १२ गते अन्तिम दिन रहेको छ । कम्पनीले साउन २४ गतेदेखि हकप्रद शेयर बिक्री खुला गरेको हो ।
कम्पनीले १:१ को अनुपातमा शतप्रतिशतले हुन आउने ९९ लाख कित्ता हकप्रद निष्काशन गरेको हो। कम्पनीले ९९ करोड बराबरको हकप्रद निष्काशन गरेको छ। शेयर निष्काशनको लागि नबिल इन्भेष्टमेन्ट बिक्री प्रबन्धक रहेको छ।
कम्पनीले हकप्रद निष्काशनको लागि २०८१ असार २० गते बुकक्लोज गर्ने निर्णय गरेकोले असार १९ गतेसम्म कायम शेयरधनीले मात्र कम्पनीको हकप्रदमा आवेदन दिन सक्ने छन्।
नेपाल धितोपत्र बोर्डले असार ७ गते हिमालय उर्जा विकास कम्पनीलाई हकप्रद निष्काशनको लागि अनुमति प्रदान गरेको थियो।
यो पनि : हिमालय उर्जा विकास कम्पनीले बनाएका दुवै आयोजनाको विद्युत भारत निर्यात हुने
